Рӯзи 9-уми январи соли 2018, ҳангоми гузаронидани санҷиши муштарак аз ҷониби кормандони милитсия ва дигар мақомоти дахлдор муайян карда шуд, ки марди 55-солаи сокини ҷамоати Россияи ноҳияи Рӯдакӣ, соҳибкор-нонпаз, ғайриқонунӣ бо роҳи пинҳонӣ аз симчӯби қувваи барқ, бе иҷозати шабакаҳои барқӣ ва ҳисобгираки барқӣ қувваи барқро ба танури нонвойхонааш, воқеъ дар кӯчаи Фирдавсӣ ш.Душанбе гузаронидааст. Дар натиҷа номбурда ба ширкати саҳҳомии холдингии “Барқи Тоҷик”, ба миқдори 12 ҳазору 960-сомонӣ зарари моддӣ расонидааст. Нисбати ин ҳолат парвандаи ҷиноятӣ оғоз гардида, тафтишот давом дорад.
Сомонаи расмии MVD.TJ
Нет комментариев