Зимни сафари корӣ ба ноҳияи Куҳистони Мастчоҳ Раиси вилояти Суғд Раҷаббой Аҳмадзода аз майдони кишти картошкаи хоҷагии деҳқонии ба номи Масъуд Ҷамол боздид намуд.
Хоҷагии деҳқонии ба номи Масъуд Ҷамол дорои 23,51 га замин буда, дар 6 гектари он картошка ва дар заминҳои боқимонда ғалладонагиву сабзавот кишт карда шудааст.
Дар аснои боздид Раиси вилоят ба истифодаи самараноки замин аз ҷониби кишоварзон баҳои баланд дод. Зеро тавре аён гардид, дар қитъаҳои алоҳидаи заминҳои кишоварзӣ анвои гуногуни зироатҳо, аз ҷумла картошка, пиёз, сирпиёз, лӯбиёгиҳо, ғалладонагиҳо кишт карда шудааст ва замини холӣ вуҷуд надорад.
Ба Раиси вилоят иттилоъ дода шуд, ки хоҷагии ба номи Масъуд Ҷамол аз хоҷагиҳои картошкапарвар маҳсуб ёфта, кишоварзон бо кишти навъҳои серҳосили «Биг росса» ва «Алладин» ҳосили дилхоҳ ба даст меоваранд ва дар таъмини бозорҳо бо картошкаи хушсифат нақши арзанда мегузоранд.
Дар ҳамин мавзеъ Раиси вилоят инчунин оромгоҳи Хоҷамуҳаммади Гулшанро зиёрат намуд.
Манбаъ: Хадамоти матбуоти Раиси вилояти Суғд
Нет комментариев