Дастаи «Реал Мадрид» рӯзи душанбеи 3 –юми июн эълон кард, ки бо ҳамлагари тими миллии Фаронса Килиан Мбаппе шартнома баст.
Шартномаи Мбаппе бо “Реал Мадрид” то соли 2029 амал мекунад. Футболбози 25-сола пас аз анҷоми шартномааш бо “ПСЖ” ба ҳайси агенти озод ба бошгоҳи шаҳри Мадрид пайваст.
«Орзуям амалӣ гашт. Хело хурсандам ва фахр мекунам, ки ба дастаи орзуҳоям — «Реал Мадрид» гузариш кардам. Ҳеҷ кас шодиву хурсандии маро айни ҳол эҳсос карда наметавонад.
Бесаброна вохӯриро бо шумо интизорам, Мадридиҳо. Барои дастгириатон ташаккури зиёд. ¡Hala Madrid! «- навштааст Мбаппе дар шабакаҳои иҷтимоӣ.
10-уми май Мбаппе эълон кард, ки тарки “ПСЖ” мекунад. Ӯ аз соли 2017 инҷониб дар ҳайати тими шаҳри Париж бозӣ мекард. Дар мавсими имсола Мбаппе дар ҳайати “ПСЖ” 48 бозӣ анҷом дода, 44 гол ва 10 ирсоли головар анҷом додааст.
Манбаъ: Варзиш-ТВ
Нет комментариев