Кумитаи рушди сайёҳии назди Ҳукумати Ҷумҳурии Тоҷикистон бахшида ба Солҳои рушди деҳот, сайёҳӣ ва ҳунарҳои мардумӣ дар соҳаи сайёҳӣ миёни ҳунармандон, муассисаҳои таҳсилоти миёна ва олии касбии мамлакат силсилаи озмунҳои ҷумҳуриявӣ эълон менамояд. Ҳадафи озмунҳо ҷалби таваҷҷуҳи ҷомеа ба соҳаи сайёҳӣ, фароҳам овардани шароити мусоид барои рушди сайёҳӣ ва намудҳои гуногуни он дар мамлакат, муаррифии миллату давлати тоҷикон ба ҷаҳониён ва татбиқи босамари «Барномаи рушди сайёҳӣ дар Ҷумҳурии Тоҷикистон барои солҳои 2018-2020» мебошад.
Силсилаозмунҳои ҷумҳуриявӣ аз озмун дар байни ҳунармандони мамлакат оид ба истеҳсоли маҳсулоти сайёҳӣ ва савғотии беҳтарин ба сайёҳон бо мақсади эҳёи ҳунарҳои мардумӣ, мақолаи беҳтарин таҳти унвони «Тоҷикистон — минтақаи ҷолиби сайёҳӣ» ва таҳияи нақшаҳои тиҷоратии соҳибкорӣ иборат мебошанд.
Муҳлати қабули мавод то 30 октябри соли равон мебошад.
Манбаъ: АМИТ «Ховар»
Нет комментариев