Бозии аввали марҳилаи чаҳорякниҳоии Ҷоми қаҳрамонҳои КОНКАКАФ дар ИМА ба анҷом расид, ки дар он «Интер Майами» дар майдони худ аз тими “Монтеррей”-и Мексика бо ҳисоби 1:2 шикаст хӯрд.
Мизбонон аввалин шуда ҳисобро бо голи Авилес боз карданд. Дар дақиқаи 67-ум аз ҳайати тими Майами Дэвид Руис корти сурх гирифт. Пас аз 2 дақиқа корти сурх гирифтани Руис аз ҳайати тими “Монтеррей”- Меса ҳисобро баробар кард. Дар дақиқаи 89-ум голи ғалабаоварро аз ҳайати “Монтеррей” – Родригес ба самар расонид.
Лионел Месси дар тими Дэвид Бекҳэм ҳузур надошт ва бар асари захм дар ин бозӣ ширкат накард.
Бозингарони собиқи «Барселона» Луис Суарес, Серхио Бускетс ва Жорди Алба дар бозӣ ҳузур доштанд, лек аз худ дарак дода натавонистанд.
Ёдовар мешавем, ки бозии ҷавобии дастаҳо рӯзи 11-уми апрел баргузор мешавад.
Манбаъ: Тв-Варзиш
Нет комментариев