Сармураббии дастаи «Манчестер Сити» Хосеп Гвардиола ҳамчун сармураббӣ корро дар ҳайати “Шаҳриҳо” идома медиҳад. Дар ин бора нашрияи The Athletic иттилоъ додааст.
Тарафҳо дар бораи тамдиди шартномаи меҳнатӣ ба мувофиқа расиданд. Созишномаи нав барои як сол — то охири мавсими 2025/26 ва имкони тамдиди 12 моҳи дигар пешбинӣ мешавад.
Ёдовар мешавем, ки мутахассиси 53-солаи испанӣ аз моҳи июли соли 2016 сармураббии дастаи «Манчестер Сити» мебошад. Зери роҳнамоии Гвардиола даста шаш маротиба унвони қаҳрамониро дар Премйер-Лигаи Англия ва як маротиба Лигаи Чемпионҳоро ба даст овардааст.
Манбаъ: Варзиш-ТВ
Нет комментариев