Дар шаҳри Тошканд татбиқи санадҳои баимзорасида, аз ҷумла бандҳои дахлдори Протоколи 10-уми Комиссияи байниҳукуматии Ҷумҳурии Тоҷикистон ва Ҷумҳурии Узбекистон оид ба ҳамкории тиҷоративу иқтисодӣ ва «Харитаи роҳ» доир ба вусъат додани ҳамкорӣ дар соҳаи кооператсияи саноатӣ байни ду давлат дар мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода ва Вазири сармоягузорӣ, саноат ва савдои Ҷумҳурии Узбекистон Лазиз Қудратов баррасӣ гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Ҷонибҳо доир ба истифодаи имконияти васеи ҳамкорӣ байни ду давлат изҳори назар намуда, омодагиашонро дар робита ба соҳаҳои тиҷорат, иқтисодиёт ва сармоя баён намуданд.
Манбаъ: АМИТ «Ховар»
Нет комментариев