10 август дар шаҳри Душанбе байни вазоратҳои корҳои хориҷии Ҷумҳурии Тоҷикистон ва Федератсияи Русия машваратҳои сиёсӣ баргузор шуданд. Ҳайатҳои ҷонибҳо дар нишасти мазкур таҳти роҳбарии муовинони вазирони корҳои хориҷӣ иштирок доштанд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҷараёни вохӯрӣ масъалаҳои мубрами муносибатҳои Тоҷикистон ва Русия дар соҳаҳои сиёсӣ, иқтисодӣ, гуманитарӣ ва дигар самтҳо баррасӣ шуданд.
Ҷонибҳо ҳамчунин доир ба ҳамкории Тоҷикистон ва Русия дар доираи созмонҳои байналмилалӣ ва масоили амнияти минтақавӣ мубодилаи афкор намуданд.
Манбаъ: АМИТ «Ховар»
Нет комментариев