8 феврал дар шаҳри Давҳаи Давлати Қатар дар ҳошияи баргузории Рӯзҳои фарҳанги Ҷумҳурии Тоҷикистон дар Давлати Қатар вохӯрии Вазири фарҳанги Ҷумҳурии Тоҷикистон Матлубахон Сатториён бо директори генералии «Бунёди деҳаи фарҳангии Қатара» профессор Холид ибни Иброҳим Ал-Сулайтӣ баргузор гардид.
Тавре ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд, дар вохӯрӣ ҷонибҳо баргузории Рӯзҳои фарҳанги Ҷумҳурии Тоҷикистонро дар Давлати Қатар самараи сиёсати дурандешонаи роҳбарони олии давлатҳо арзёбӣ намуда, ин иқдомро заминаи рушди мусоид барои тавсеаи минбаъдаи ҳамкории дуҷониба муҳим арзёбӣ намуданд.
Тавре қаблан иттилоъ додем, 6 феврал Рӯзҳои фарҳанги Ҷумҳурии Тоҷикистон дар Давлати Қатар оғоз гардида, то 13 феврал идома меёбанд. Дар доираи он мулоқот, барномаҳои пуршукуҳи консертӣ, намоишгоҳҳои либосҳои миллӣ ва аксу мусаввараҳо дар назар аст.
Манбаъ: АМИТ «Ховар»
Нет комментариев