Бо дастгирии мақомоти иҷроияи ҳокимияти давлатии шаҳри Конибодом ва ташаббуси кумитаи иҷроияи шаҳрии ҲХДТ 15 нафар волидайни ҷавонписароне, ки айни ҳол дар сафи Қувваҳои Мусаллаҳи Ҷумҳурии Тоҷикистон адои хизмат мекунанд, фарзандонашонро аёдат намуданд.
Волидони сарбозон таи ду рўз аз қисми низомии 06870, воқеъ дар шаҳри Душанбе, боздид ба амал оварда, тавассути суҳбату мулоқотҳо бо ҳайати кормандони қисми ҳарбӣ, бевосита бо худи сарбозон ва боздид аз макони хизмату истироҳати аскарбаччаҳо аз ҳолу аҳвол ва сатҳу сифати хизмати ҷавонписаронашон дар сафи Қувваҳои Мусаллаҳ огаҳӣ пайдо намуданд.
Манбаъ: Хадамоти матбуоти Раиси вилояти Суғд
Нет комментариев