Раиси шаҳри Хуҷанд Раҷаббой Аҳмадзода ин бор ҷаласаи кории худро дар мавзеи варзишӣ ва истироҳатию фароғатӣ, ки дар назди пули «Ҷашнӣ» мавҷуд аст, гузаронидааст.
Тавре аз дафтари матбуотии шаҳрдорӣ иттилоъ доданд, дар ҷаласа роҳбарони соҳаи ободонӣ, муҳити зист, варзиш ва сайёҳӣ, заминсозӣ, идораи санитарию эпидемологӣ, сохтмонӣ-меъморӣ, ҳифзи ҳуқуқ ва соҳибкорони дар ин мавзеъ фаъолият дошта ширкат намудаанд.
Мавриди зикр аст, ки дар мавзеи мазкур чанд ошхона, нуқтаҳои хизматрасонӣ ва муассисаҳои варзишӣ ҷойгир шудааст. Ба истиснои варзишгоҳ ва майдончаҳои варзишӣ тамоми нуқтаҳои хизматрасонӣ ин макон мавсимӣ буда, дар фасли зимистон фаъолияти онҳо қатъ мегардад.
Аз ҷониби Раҷаббой Аҳмадзода дастур дода шуд, ки соҳибкорон ва мутасддиён бояд мавзеи вобасташудаи худро обод нигоҳ доранд. Сардори идораи заминсозӣ, ободнӣ, меъморию шаҳрсозӣ, ҳифзи ҳуқуқ ва сантираю эпидемологӣ вазифадор гаштанд, ки дар мӯҳлати 5 рӯз камбудиҳои ҷойдоштаро ислоҳ намоянд.
Дар ин бора sugd.tj хабар медиҳад.
Нет комментариев