Физики машҳури Бритония Стивен Хокинг аробачаи маъюбиии нави «доно»-и истеҳсоли  ширкати Intel-ро муаррифӣ кард.

Алҳол, ки Apple бо ахирон iPhone-и худ ҳамагонро ба ҳайрат овардааст, ширкати Intel бо ихтироъи нави худ- аробачаи маъюбии «донояш» фахр мекунад. Ширкати азими истеҳсолкунандаи микропротсетсор оғози ин ҳафта маҳсулоти нави худро муаррифӣ кард, ки он аз ҷониби яке аз олимони бузурги замони муосир Стивен Хокинг маъқул дониста шуд.

Дар ихтироъи аробачаи «доно» мутахассисон аз бахши «маҳсулоти интернет»-и (интернета вещей) ширкати Intel заҳмат кашиданд. Вай қодир аст, ки маълумотҳои биометрикии соҳиби аробачаро ҳисоб ва дар экранҳои сенсорӣ мунъакис созад. Таҷҳизотҳои махсуси дар курсӣ насб шуда имкон медиҳанд фишори хун, ҳарорати бадан ва набзи дилро санҷанд.

Иловатан «аробачаи «доно» ҳолати худро пайгирӣ ҳам мекунад. Масалан, агар дар аробача ягон ноқисӣ пайдо шавад, вай дар ин бора шуморо огаҳ месозад. Ҳамчунин компютери курсӣ дар бораи мувофиқатии ҷое, ки истифодабарандаи имкониятҳояш маҳдуд  рафтанист, маълумот медиҳад.

Стивен Хокинг, ки ҳаёту фаъолияташ рўзҳои наздик дар филми «Назарияи умум» нақл карда мешавад, якҷоя бо мухандисони ширкати Intel аробачаи маъюбии «доно»-ро ихтироъ кард. Олим дар мусоҳибаи худ қайд кард, ки ин курсӣ намунаи беҳтарини он ки таҳияҳои технологӣ барои маъюбон аксар вақт ба ихтироъҳои нави технологӣ барои оянда мусоидат мекунанд.

Naked Science
Манбаъ: http://naked-science.ru/