Размикори маъруфи кишвар Нурулло Алиев аввалин рақобати худро дар бонуфузтарин ташкилоти ҷаҳонии UFC бо ғалаба оғоз намуд.
Нурулло 26- уми феврал дар штати Невадаи ИМА бар муқобили ҳарифи худ Рафаел Алвес аз Бразилия қуввазмоӣ кард .
Рақобати размикорон се раунд идома кард ва дар натиҷа бо қарори якдилонаи доварон ғалаба ба Нурулло Алиев дода шуд.
Ёдовар мешавем, ки ин рақобати аввалини Нурулло дар ташкилоти UFC ба ҳисоб меравад ва ӯ соли гузашта бо ин ташкилот ҷиҳати доир намудани рақобатҳо қарордод ба имзо расонида буд.
Рафаел Алвеси бразилӣ бошад, соли 2019 бо ин ташкилот қарордод баста буд. Ин рақобати чаҳоруми ӯ дар UFC ба ҳисоб мерафт.
Қобили зикр аст, ки дирӯз размикори шинохтаи тоҷик Лоиқ Раҷабов бо ташкилоти машҳури UFC қарордод ба имзо расонида буд.
Ёдовар мешавем, ки пас аз Нурулло Алиев ин дуюмин размикори тоҷик аст, ки бо ин ташкилоти бонуфуз қарордод мебандад.
Манбаъ: Варзиш-ТВ
Нет комментариев