Яке аз масолеҳи машҳуру маъмул барои тайёр кардани мебел ин ДСП мебошад, ДСП масолеҳи арзон, коркардаш осон ва мустаҳкам мебошад.
Пеш аз харид кардани мебеле, ки аз ДСП тайёр шудааст бояд ба намуди эмиссионӣ ва ба ҷудокунии қатрони формальдегида аҳамият диҳед. Аз ҳама хатаровартараш ин намуди эмиссионии Е3 мебошад, ки вай дар таркибаш 30% қатрони фолмалдегида дорад. Чунин намуди тахта барои истифодаи мебел мумкин нест. Намуди ДСП-и Е2 нисбат ба намуди ДСПи Е3 бехатартар аст. Масалан, барои истеҳсоли мебели кӯдакона фақат истифодаи ДСП Е1 иҷозат дода шудааст. Сифати масолеҳ бояд аз се қабат иборат бошад. Қабати болоии ДСП бояд аз пораҳои майда, яъне пиниқ ва қабатҳои минбаъдаи он аз пораҳои калони тахта на калонтар аз барг тайёр шуда бошад. Агар рӯйи ДСП бо қоғази мебелӣ ва ё бо плёнка пӯшонда шуда бошад, аз харидории он худдорӣ намоед. Беҳтар мебуд, ки аз ДСП-е, ки бо ламинация рӯйпӯш карда шудааст, харидорӣ намоед, зеро ҳангоми истеҳсол ин маҳсулот сахт фишурда ва ё пресс карда мешавад. Тахтаи ДСП-ро асосан барои тайёр намудани дар, канораи тиреза, раф, барои аршу фарши хона, тахтабанди кардани девор ва ғайра истифода мебаранд.
Нет комментариев