Дар замони муосир шарму ҳаё қариб, ки фаромӯш шудааст, аммо то ҳол одамоне ёфт мешаванд, ки ҳатто бо пӯшидани либоси нав дар байни мардум худро ноҳинҷор эҳсос менамоянд. Биёед месанҷем, ки шумо то кадом андоза шармгин ҳастед.
- Рӯзе, ки либоси аз ҳад зиёд фарқкунанда ба бар намоям, худро ноҳинҷор эҳсос мекунам.
А) Бале. Б) Не.
- Ба ҳазлҳое, ки нисбатам мекунанд, оромона назар дорам.
А) Не. Б) Бале.
- Бо либоси ҳарир худро бад ҳис мекунам.
А) Бале. Б) Не.
- Дар озмуну мусобиқаҳо ширкат варзидан хушам меояд.
А) Не. Б) Бале.
- Таърифу тавсифи дигаронро нисбати худ хуш дорам.
А) Не. Б) Бале.
- Мабодо касе маро ранҷонад, хафагиямро рӯирост иброз менамоям.
А) Не. Б) Бале.
- Дар назди одами бисёр баромад карда наметавонам ва матнро аз рӯи коғаз мехонам.
А) Бале. Б) Не.
- Вақте касеро ба меҳмонӣ даъват мекунам, дар дил ҳарос дорам, ки ҷавоби рад надиҳад.
А) Бале. Б) Не.
- Вақте маро дар назди ҳама намунаи ибрат нишон медиҳанд, аз шарм замин намекафад, ки дароям.
А) Бале. Б) Не.
- Нақл кардани латифа ва ҳазлҳои намакинро дӯст медорам.
А) Не. Б) Бале.
Натиҷаи санҷишнома
Барои ҳар як ҷавоби «А» ба худ 2 хол ва барои ҷавоби «Б» 0 хол гузошта, холҳоро ҷамъ кунед ва бо натиҷаи санҷишнома шинос шавед.
Аз 0 то 6 хол
Шуморо шахси шармгину беҷуръат номидан номумкин аст. Ба хотири манфиатҳои шахсӣ шумо ба бисёр корҳо қодир ҳастед. Кӯшиш кунед, ки ба ақлаку пешхезак мубаддал нагардед, баъзан фикру ақидаи дигаронро низ ба инобат гирифтан шарт ва зарур аст.
Аз 8 то 14 хол
Шармгинӣ дар хуни шумо ҳаст. Худро аз дигарон боло намегиред ва ин албатта боиси тавсиф аст, аммо баъзан боҷуръат ва шердил будан лозим аст. Барои он ки дигарон шуморо қадр кунанд, бояд пеш аз ҳама худатон худатонро қадр кунед ва дӯст доред.
Аз 16 то 20 хол
Шумо табиатан одами шармгин ва хоксоред. Аз ҳад зиёд кӯшиши ба атрофиён писанд омаданро накунед ва барои манфиату ақидаҳои худ истодагарӣ намоед.
Нет комментариев