Бо ибтикори Мақомоти иҷроияи ҳокимияти давлатии вилояти Суғд бахшида ба Соли нави мелодӣ рӯзҳои 21 — 22 декабр дар шаҳрҳои саноатии вилоят ярмарка-фурӯши маҳсулоти кишоварзӣ доир гардид.
Аз ҷумла, дар назди Театри мазҳака-мусиқии ба номи Камоли Хуҷандии маркази вилоят чунин ярмарка гузаронида шуд. Дар ярмарка нархи як кило гӯшт аз 33 сомонӣ, пиёз 60 дирам, лаблабу 2 сомонӣ, равған 10 сомонӣ, картошка аз 1 сомонию 20 дирам, себ 2 сомонӣ ва ғайраҳо муайян шуда, харидорон аз фаровонии ярмарка изҳори хушнудӣ намуданд
Дар шафати бозори марказии шаҳри Гулистон низ барои сокинони шаҳри соҳили “Баҳри тоҷик” ярмарка-фурӯши маҳсулоти кишоварзӣ ташкил карда шуд. Ба сокинони шаҳр намояндагони хоҷагиҳои деҳқонии ноҳияҳои Ҷаббор Расулов, Зафаробод, Бобоҷон Ғафуров, Деваштич ва шаҳри Панҷакент, корхонаҳои ҶДММ ”Фаровон”, ҶСК “Моҳипарварии Гулистон”, ба миқдори 36,9 тонна маҳсулоти кишвоарзӣ ва марвиди ниёзро бо нархҳои нисбатан арзон пешниҳод намуданд.
Ёдовар бояд шуд, ки ташкили ярмарка-фурӯши маҳсулоти кишоварзӣ дар остонаи Соли нави мелодӣ тибқи дастуру супориш ва ҳидоятҳои Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон бо мақсади фаровон ва ғанӣ намудани хони солинавии мардум сурат гирифта, он то 31 декабр идома хоҳад ёфт.
Манбаъ: Хадамоти матбуоти Раиси вилояти Суғд
Нет комментариев