Муассисаи давлатии нигоҳдории роҳҳои автомобилгарди ноҳияи Спитамен соҳиби як адад нақлиёти боркашонӣ, як адад нақлиёти махсус барои кашонидани қуму рег, компрессори битумхобонӣ ва виброкаток гардид.
Тибқи иттилои сардори муассиса Шералӣ Абдуллозода техникаҳо ва таҷҳизоти зарурӣ бо мусоидати Вазорати нақлиёти Ҷумҳурии Тоҷикистон дар ҳамкорӣ бо Агентии ҷопонӣ оид ба ҳамкориҳои байналмилалӣ “JICA” дастрас шуд, ки кори роҳсозонро хеле осон мекунад ва дар бартараф кардани ҳар гуна мушкилоти роҳсозӣ дар тамоми фаслҳои сол мо мусоидат менамояд.
Ёдовар бояд шуд, ки дар Муассисаи давлатии нигоҳдории роҳҳои автомобилгарди ноҳияи Спитамен 35 нафар фаъолият дошта, бо маоши хуб таъминанд.
Манбаъ: Хадамоти матбуоти Раиси вилояти Суғд
Нет комментариев