Масъалаҳои марбут ба таҳкими ҳамкорӣ байни Тоҷикистон ва Эрон дар соҳаи энергетика дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо Вазири неруи Ҷумҳурии Исломии Эрон Аббос Алиободӣ дар Теҳрон баррасӣ гардиданд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Ҷонибҳо доир ба татбиқи лоиҳаҳои муштарак ва имконоти таҳкими ҳамгироии энергетикӣ табодули назар намуданд.
Вазирон, ки ҳамзамон ҳамраисии Комиссияи муштараки байниҳукуматии Тоҷикистон ва Эрон оид ба ҳамкории тиҷоратӣ, иқтисодӣ, техникӣ, илмӣ ва фарҳангиро бар дӯш доранд, оид ба омодагӣ ба баргузории ҷаласаи навбатии комиссия, ки дар шашмоҳаи аввали соли равон дар Эрон ба нақша гирифта шудааст, суҳбат намуданд.
Гуфта шуд, ки Комиссияи муштарак нақши калидӣ дар таҳкими робитаҳои дуҷониба дорад.
Манбаъ: АМИТ «Ховар»
Нет комментариев