Чанде пеш дар шаҳри Истамбули Туркия ҷаласаи ёздаҳуми ҳарсолаи Комиссияи байниҳукуматии ТРАСЕКА корашро анҷом дод. Дар ҷаласа ҳайати Тоҷикистон бо роҳбарии вазири нақлиёти кишвар Хайрулло Асозода ширкат дошт. Тавре ки аз Вазорати нақлиёти ҶТ ба АМИТ «Ховар» хабар доданд, дар ҷаласа масоили рушди роҳрави байналмилалии нақлиётии ТРАСЕКА дар давраи раёсати Тоҷикистон дар созмони мазкур, ҷараёни татбиқи стратегияи ТРАСЕКА ҷиҳати рушди роҳрави кишварҳои узви он дар солҳои 2013 — 2015, тадбирҳои оид ба татбиқи Муоҳадаи рушди боркашонии автомобилӣ мавриди баррасӣ қарор гирифтанд. Ёдовар мешавем, ки Комиссияи байниҳукуматии ТРАСЕКА соли 2000- ум барои назорати иҷрои барнома таъсис ёфта, соли 2001 мақомоти иҷроия — Котиботи доимии комиссияро ташкил дод, ки қароргоҳаш дар шаҳри Боку мебошад. Дар ин бора khovar.tj хабар медиҳад.
Нет комментариев