7 ноябр дар Вазорати кишоварзии Ҷумҳурии Тоҷикистон мулоқоти муовини вазир Нигина Анварӣ бо президенти «IBT Education & Technology Group» Ҷо Шоукур баргузор гардид, ки зимни он масъалаи рақамикунонии соҳаи кишоварзӣ мавриди баррасӣ қарор гирифт, хабар медиҳад АМИТ «Ховар» бо истинод ба Вазорати кишоварзӣ.
Ҷонибҳо дар мулоқот оид ба дастовардҳо ибрози андеша намуда, ҳавасмандии худро ҷиҳати ҳамкории мутақобилан судманд дар самти кумаки молиявию техникӣ, ташкили марказҳои омӯзишӣ барои занону духтарон, табодули таҷриба, омодасозии кадрҳо, дастгирӣ ҷиҳати истеҳсоли маҳсулоти нави инноватсионии кишоварзӣ ва дигар масъалаҳо изҳор доштанд.
Ҷиҳати пешбурди кор байни Корхонаи воҳиди давлатии «Маркази рақамикунонӣ ва такмили ихтисоси кадрҳои соҳаи кишоварзӣ»-и Вазорати кишоварзии Ҷумҳурии Тоҷикистон ва ширкати «IBT Education & Technology Group»-и Ҷумҳурии Канада Ёддошти тафоҳум ба имзо расид.
Манбаъ: АМИТ «Ховар»
Нет комментариев