Бахшида ба Соли рушди сайёҳӣ ва ҳунарҳои мардумӣ бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар Маркази савдои Душанбе-Мол (Ашан) озмуни «Зардӯзи беҳтарин» баргузор гардид.
Тавре аз Кумитаи мазкур хабар доданд, дар озмун беҳтарин зардўзон аз гўшаву канори мамлакат даъват шуда, ҳунари зардўзии худро ба намоиш ва фурўш гузоштанд.
Дар озмуни мазкур намояндагон аз вазорату кумитаҳо, мақомоти иҷроияи ҳокимияти давлатии шаҳри Душанбе иштирок намуданд. Аз ҷониби ҳайати ҳакамон «Беҳтарин зардўз»-и сол муайян гардида, бо туҳфаҳо ва Ифтихорномаи Кумитаи кор бо занон ва оилаи назди Ҳукумати Ҷумҳурии Тоҷикистон сарфароз гардонида шуд.
Шоҳҷоизаи «Беҳтарин зардўз» барои манзур намудани волотарин нақшу нигори зардўзӣ насиби ҳунарманд ва тарроҳи шинохтаи тоҷик Мукаррама Қаюмова гардид.
Манбаъ: Сомонаи расмии АМИТ «Ховар»
Нет комментариев