Дар бозии ҷавобии даври 1/16 ниҳоии мусобиқоти Лигаи Аврупо бошгоҳи футболи “Зенит”-и Россия дар шаҳри Санкт-Петербург тими «Селтик»-и Шотландияро қабул намуд. Дар ин дидор соҳибони майдон ба дарвозаи меҳмонон 3 голи беҷавоб заданд. Бранислав Иванович дар дақиқаи 7-ум ҳамдастаҳои худро ба пеш баровард. Пас аз 20 дақиқа шогирдони Роберто Манчини бо зарбаи дурусту дақиқи Далер Кузяев бартарии худро дуболо сохтанд. Нуқтаи охирини ин дидорро Александр Кокорин дар дақиқаи 61-уми рақобат ба самар расонд. Ёдовар мешавем, ки дидори аввали дастаҳо бо ҳисоби 0:1 ба суди шотландиҳо анҷом ёфта буд. Ҳамин тариқ бошгоҳи “Зенит” роҳи худро ба даври 1/8 ниҳоии мусобиқоти Лигаи Аврупо рӯшан кард.
Лигаи Аврупо. Даври 1/16 ниҳоӣ. Бозии ҷавобӣ
«Зенит» (Россия) — «Селтик» (Шотландия) — 3:0 (2:0)
Голҳо: Иванович, 8 (1:0). Кузяев, 27 (2:0). Кокорин, 61 (3:0).
Манбаъ: сомонаи расмии телевизиони «Варзиш»
Нет комментариев