Дирӯз ба муносибати 29-умин солгарди Рӯзи хуруҷи нерӯҳои низомии собиқ Иттифоқи Шӯравӣ аз хоки Афғонистон дар назди Муҷассамаи ҷанговарони байналмилалии боғи Ғалабаи шаҳри Хуҷанд маросими гулгузорӣ сурат гирифт. Роҳбарияти шаҳри Хуҷанд, намояндагони консулгарии Федератсияи Россия дар шаҳри Хуҷанд, раисони собиқадорони ҷангу меҳнати шаҳри Хуҷанду вилояти Суғд, раисони ташкилотҳои ҷанговарони интернатсионалист, кормандони комиссариати ҳарбии шаҳр, омӯзгорон ва муҳассилини макотиби таҳсилоти ҳамагонӣ бо арзи эҳтиром дар пояи Муҷассамаи ҷанговарони байналмилал гулчанбар гузоштанд. Бояд таъкид намуд, ки санаи 15-уми феврали соли 1989, сарбозони собиқ Иттифоқи Шӯравӣ хоки Афғонистонро тарк карданд. Дар ҷанги 10 солае, ки Иттиҳоди Шӯравӣ дар қаламрави Афғонистон ҳузур дошт, зиёда аз 15 000 сарбозонашро аз даст дод. Ҳамасола Рӯзи хурӯҷи нерӯҳои низомӣ аз Афғонистон ба ҷашни касбии собиқадорони интернатсионалист мубаддал ва хотираи шаҳидони дар ин ҷанг ҳалокгардида пос дошта мешавад.
Манбаъ: сомонаи расмии МИҲД-и шаҳри Хуҷанд
Нет комментариев