Дар гузаргоҳи сарҳадии “Фотеҳобод”, воқеъ дар ноҳияи Мастчоҳ корҳои ободониву кабудизоркунӣ идома дорад. Гузаргоҳи сарҳадии “Фотеҳобод” яке аз гузаргоҳҳои сарҳадиест, ки дар марз бо Ҷумҳурии Ӯзбекистон қарор дорад. Ҳангоми боздид аз ин гузаргоҳ Раҷаббой Аҳмадзода бо шинонидани ниҳол ба корҳои ободонӣ бештар таваҷҷуҳ намуда, масъулинро вазифадор намуд, то дар ин самт диққати махсус бидиҳанд. Ба гуфти роҳбари вилоят гузаргоҳҳои сарҳадӣ дарвозаи ҳар кишвар ба шумор мераванд ва аз ин хотир бояд ободу зебо нигоҳ дошта шаванд. Имсол, ки “Соли рушди сайёҳӣ ва ҳунарҳои мардумӣ” эълон гардидааст, дар гузаргоҳҳои сарҳадӣ ба корҳои ободониву кабудизоркунӣ бояд эътибори бештар дода шавад. Иҷрокунандаи вазифаи Раиси вилоят Раҷаббой Аҳмадзода бо кормандони гузаргоҳи сарҳадӣ суҳбат намуда, барои рафъи мушкилоту муаммоҳои мавҷуда дар самти корҳои ободонӣ ба масъулини сохторҳои гуногун вазифаҳои мушаххас дод.
Манбаъ: сомонаи расмии МИҲД-и вилояти Суғд
Нет комментариев