Тибқи иттилои Маркази аврупоӣ оид ба пешгирӣ ва назорати бемориҳо, ки рӯзи чоршанбе эълон шудааст, сирояти салмонеллез дар 11 кишвари Аврупо сабт гардидааст, иттилоъ медиҳанд расонаҳои Белгия.
Дар маҷмуъ 134 ҳолати бемории салмонеллез аз сабаби истеъмоли гӯшти мурғи сироятёфта дар Австрия, Белгия, Олмон, Дания, Ирландия, Нидерландия, Норвегия, Словения, Финляндия, Фаронса, Шветсия сабт гардидааст.
Расонаҳо ишора менамоянд, ки ду ҳафта қабл мақомоти беҳдошти Австрия аз робитаи эҳтимолӣ байни бемориҳои салмонеллез ва маҳсулоти мурғии Лаҳистон изҳори нигаронӣ намуда буданд. Маълум гардид, ки қариб ҳамаи беморон аз кабоби аз гӯшти мурғи истеҳсоли Лаҳистон омодашуда хӯрдаанд.
Манбаъ: АМИТ «Ховар»
Нет комментариев