Президенти дастаи «Барселона» — Жоан Лапорта ҳангоми сӯҳбат бо мухлисон пеш аз бозии даври 29-уми Чемпионати Испания бо «Хетафе» (0:0) гуфт, ки ҳамлагари «ПСЖ» Лионел Месси ба зудӣ ба тими каталония бармегардад.
Дар барномаи Cadena SER Carrusel Deportivo наворе пайдо шуд, ки дар он Лапорта ба саволи мухлисе, ки «Оё Месси ба Барса бармегардад?» посух додааст. Президенти “Барселона” гуфтааст, ки “Месси дар зудтарин фурсат дубора ба “Барса” бармегардад…”
Ёдовар мешавем, Месси аллакай аз соли 2005 то соли 2021 дар дастаи “Барселона” бозӣ кардааст. Дар ҳайати тими “Барселона” ситораи аргентинӣ 778 бозӣ анҷом дода, ба задани 672 гол ва 303 ирсоли головар ноил гардидааст.
Шартномаи феълии Мессии 35-сола бо ПСЖ то тобистони соли 2023 ҳисоб шудааст. Вай дар ин мавсим дар ҳайати даста 34 бозӣ анҷом дода, ба задани 19 гол ва 18 партофти головар даст ёфтааст.
Манбаъ: Варзиш-ТВ
Нет комментариев