Варзишгарони тоҷик дар силсиламусобиқоти дуюми рейтингӣ оид ба гӯштин, ки 23-26 феврал дар шаҳри Александриаи Миср баргузор мешавад, иштирок мекунанд. Дар ин хусус ба АМИТ «Ховар» дар Кумитаи миллии олимпии Тоҷикистон хабар доданд.
Ҷумҳурии Тоҷикистонро дар ин мусобиқа дар гӯштини юнонӣ-римӣ се варзишгар: Асламҷон Азизов (-60кг), Фирӯз Мирзораҷабов (-67кг) ва Шероз Очилов (-72кг) намояндагӣ мекунанд. Онҳоро дар ин мусобиқа сармураббӣ Равшан Ҳайдаров роҳбарӣ менамояд.
Қарор аст дар мусобиқа 466 варзишгар аз 48 давлати ҷаҳон иштирок кунанд. Аз ҷумла, дар гӯштини тарзи озод 184 нафар, дар гӯштини юнонӣ-римӣ 149 нафар ва дар гӯштини бонувон 133 нафар номнавис шудаанд.
Манбаъ: АМИТ «Ховар»
Нет комментариев