Бо ташаббуси Сафорат ва мусоидати Вазорати корҳои хориҷии Ҷумҳурии Тоҷикистон дар саҳни ҳавлии Сафорати Тоҷикистон дар шаҳри Берлин дар арафаи 26-умин солгарди Истиқлолияти давлатии кишвар айвони миллӣ насб карда шуд. Айвони миллӣ бо санъати баланди чӯбкорӣ кандакорӣ шуда, ба ҳайси як гӯшаи зинда санъати миллӣ, таърихи куҳан ва ҳунари волои мардуми тоҷикро дар ин кишвари Аврупо муаррифӣ хоҳад кард. Гуфта мешавад, ки айвони миллӣ аз ҷониби устои шинохтаи Тоҷикистон Камолҷон Зуҳуров омода гардидааст.
Манбаъ: сомонаи расмии АМИТ «Ховар»
Нет комментариев