Дар шабака овозаҳои нав дар бораи смартфони ояндаи  Samsung- Galaxy s6 пайдо шудааст. Бино ба иттилои SamMobile бо истинод ба сомонаи Корея DDaily, флагман бо усули  «мукофотӣ»  мебарояд:  сарпӯши қафоии он ва канори гирди тана аз металл, панели фронталии он бошад аз шиша, монанди  iPhone тайёр мешавад. Истеҳсолкунандаи кореягӣ муддати тӯлонӣ истифода бурдани пластикаро дар маҳсулотҳояш беҳтар медонист. Сатҳи пушти  Galaxy S5 ва фаблети Galaxy Note 4, масалан, бо чарми сунъӣ пӯшонида шудааст. Дар охири соли гузашта, Samsung санҷиш гузаронида, Galaxy Alpha-ро, ки  аввалин  оилаи смартфони галактикӣ ба ҳисоб меравад муаррифӣ намуд, он чорчӯбаи металлиро гирифтааст. Агар иттилооти DDaily дуруст барояд,  Galaxy s6 пурра аз маводҳои «мукофотӣ»  ба монанди “айфон” сохта хоҳад шуд.  Аз овозаҳои пештара бармеояд, ки  смартфони флагмании  нав зебо ва пуриқтидор буда,  бояд ба Samsung барои баргардонидани мавқеи пештарааш  кӯмак расонад. Пастравии даромад кореягиҳоро  маҷбур сохт, ки ҷиддан бо коркарди смартфони  Galaxy S,  насли 6 машғул шаванд. Таъсисдиҳии дастгоҳро аз “сифр” оғоз намуда (номи рамзиаш — Project Zero),  Samsung пеши худ мақсад гузоштааст,  ки “флагмани беҳтарини  Galaxy S-ро, ки мо ҳаргиз надида будем ба вуҷуд оварем»,  гуфтааст моҳи ноябри соли гузашта, яке аз афродони наздики  Samsung.

Бинобар гуфтаҳои инсайдерон нусхаи нав, бо экрани қарори Quad HD (2560х1440), фотосенсори IMX240 (мисли фаблети Galaxy Note 4- бо 16 ё 20 мегапиксел) мӯътадилгардонии акси оптикӣ, бо чипи 64 –битаи комилан нави Exynos 7420 –ки  дорои 3 хотираи оперативӣ мебошад, муҷаҳҳаз аст.

Сарчашма: matrix-tv.tj