Қаҳва барои ҷавон нигоҳ доштани пӯсти рӯй хеле муфид аст. Дар як рӯз ду дафъа нӯшидани он тавсия дода мешавад. Меъёри аз ин зиёд метавонад зиёновар бошад.
Ин назарияро профессори донишгоҳи Скрентони ИМА, Ҷо Винсон исбот намудааст. Ӯ дар таҳқиқоташ антиоксидантҳои таркиби қаҳваро омӯхта, манфиатнокиашонро исбот сохтааст. Ба қавли Ҷо Винсон антиоксидантҳо қобилияти дар организм пешгирӣ намудани таъсири бади оксигенҳои озодро доранд. Оксигенҳои озод дар навбати худ қодиранд ба баъзе намудҳои ҳуҷайраҳо осеб расонида, ба пиршавии организми инсон мусоидат намоянд. Онҳо ангезандаи ҳар гуна омосу варамҳо низ ҳисобида мешаванд. Яке аз равияҳои маъмули тибби ҳозиразамон ин омӯзиши антиоксидантҳо ва таъсири онҳо ба ҷараёни пиршавӣ мебошад.
Ҷо Винсон изҳор медорад, ки дар як рӯз 1-2 пиёла қаҳва кифоя аст, то ҷараёни пиршавӣ нигоҳ дошта шавад. Инчунин, мувофиқи изҳороти ӯ қаҳва барои мустаҳкамии хотира, диққатнокӣ мусоидат намуда, эҳтимоли инкишофи диабет ва сиррози ҷигарро паст менамояд.
Ҳамчунин, ҳатто бӯи қаҳва метавонад, ки дар организм антиоксидантҳоро ҳосил намояд, ки он организмро бардаму солим нигоҳ дошта, асабониятро бартараф менамояд.
Нет комментариев