Аз 1 январи соли 2017 ба иштирокчиён ва маъюбони Ҷанги Бузурги Ватанӣ, маъюбони амалиётҳои ҷангӣ дар қаламрави давлатҳои дигар, маъюбони барқароркунии сохти конститутсионӣ дар Ҷумҳурии Тоҷикистон, инчунин оилаҳои ҷанговарони дар ин ҷангҳо ҳалокгардида ҳар моҳ ба андозаи 100 сомонӣ, мувофиқи замима кумакпулӣ пардохт карда хоҳад шуд.
Дар ин бора қарори Раиси вилояти Суғд аз 9 январи соли 2017, № 07 ба тасвиб расидааст.
Аз 1 январи соли 2017 ҳамзамон ба маъюбони бартарафкунии садамаи нерӯгоҳи барқӣ-атомии Чернобил ҳар моҳ ба андозаи 80 сомонӣ кӯмакпулӣ то охири сол, мувофиқи замима пардохт карда мешавад.
Нет комментариев