Кафтор парвона, сиёҳгуш, мурдахур, гуршикоф, гургмонаед, дулта, забуъ, ҳайвонест дарранда. Тана ва думи кутоҳ, гардани гафс, сари калон, гуши дароз (то 13 см), пойҳои нисбатан борику заиф ( пойҳои пеш назар ба пойҳои кафо дарозтар), пашми дурушти хокистарранг ё сиёҳтоби рах — рах ё хол – хол дорад. ҳайвони шабгард аст.
Асосан лошаҳои калон, баъзан сангпуштҳои дашти, малах, меваи санҷид, кавар ва баргу пояи хушаихоро мехурад. Кафтор дар 3-4 солаги болиғ мешавад. Даври ҳамлаш беш аз 3 моҳ. Кафтори модина 2-5 бачаи нобино мезояд. Кафтор дар Тоҷикистон камшумор аст ва дар қисми ҷануби шарқи он сукунат дорад.
Дар шимоли республика аҳён-аҳён ( дар куҳҳое, ки дар шимоли обанбори Қайроққум воқеанд) вомехурад. Ҷои сукунаташ биёбонҳои хоки ва доманакуҳҳои санглох, баъзан туқайзорҳо мебошад.
Нет комментариев