Ронандагоне, ки аз GPS-навигатор истифода бурдаанд, сафари худро хуб дар хотир дошта натавонистанд ва бе мадади дастгоҳ ду бора роҳи гузаштаи худро такрор карда натавонистанд. Чунин хулоса баровардаанд мутахассисони донишкадаи Лондон. Ба гуфти олимон, одамон ба смартфони худ вазифаи бисёр вогузор менамоянд. Ин барои озод намудани як қисми манбаи когнитивӣ имкон медиҳад, вале ба қобилияти дар хотир нигоҳ доштани маълумоти пурра таъсири манфӣ мерасонад, менависад meddaily.ru бо истинод ба NDTV.
Олимон як қатор тадқиқотҳоро таҳлил намуданд ва дарёфтанд, ки ронандагони аз GPS-навигатор истифодабаранда роҳи сафари худро хуб дар ёд дошта наметавонанд ва бидуни кӯмаки дастгоҳ онро такроран тай карда наметавонанд. Одамоне, ки дар осорхонаҳо аксбардорӣ намудаанд, нигораҳоро хуб дар хотир нигоҳ доштаанд нисбат ба онҳое, ки аксбардорӣ накардаанд.
Бояд гуфт, ки мувофиқи ахбороти тадқиқоти дигари ба наздикӣ гузаронидашуда, бисёрии бачаҳои хурдсол ба ҷумбонидани муши компютер, бозӣ кардани бозиҳои комютерӣ ва истифода бурдан аз смартфон қодир ҳастанд. Вале бовуҷуди ин, онҳо банди пояфзоли худро дуруст баста наметавонанд ва инчунин ноштои худро тайёр карда наметавонанд.
Шоёни диққат: агар модари кӯдак 35 сола ва ё аз он боло бошад, пас қобилиятҳои ҳаётан муҳимро кӯдак нисбатан беҳтар аз худ мекунад, нисбат ба кӯдакони модарони ҷавон.
Нет комментариев