Бо мақсади рушду инкишофи санъати миллӣ, эҳёи ҳунарҳои мардумӣ, дарёфти чеҳраҳои нав ва бахшида ба 25-солагии Истиқлолияти давлатии Ҷумҳурии Тоҷикистон дар доираи Рӯзҳои фарҳанги шаҳру ноҳияҳои вилоят озмуни вилоятӣ гузаронида мешавад.
Рӯзҳои фарҳанги шаҳру ноҳияҳои вилоят аз моҳи июни соли 2016 оғоз гардида, озмун дар арафаи таҷлили 25-солагии Истиқлолияти давлатӣ ҷмъбаст карда мешавад. Ҳар як шаҳру ноҳия барномаҳои фарҳангии худро рӯзҳои истироҳатии шанбе ва якшанбе дар Маҷмаии фарҳангию таърихии Қалъаи Хуҷанд дар ҳузури аъзои ҳакамон пешкаши ҳозирин мегардонанд.
Дар Рӯзҳои фарҳанги шаҳру ноҳияҳои вилоят иштирокчиён намоиши ҳунарҳои миллии мардумӣ, намоиши хӯрокҳои миллӣ ва барномаи фарҳангиро бо ҷалби чеҳраҳои нав ва аҳли санъату ҳунари шаҳру ноҳияҳо доир менамоянд.
Ба ғолибон аз 2 то 5 ҳазор сомонӣ мукофотпулӣ тақдим мешавад.
Хадамоти матбуоти Раиси вилояти Суғд
Нет комментариев