Бонки «Солидарность»-и Русия дар бораи роҳҳои интиқоли пулӣ ба бонки тоҷикии «Алиф Бонк» хабар дод.
Маблағҳои пулиро ба Тоҷикистон метавон ба воситаи барномаи мобилии «Солидарность Онлайн» интиқол дод.
Дафтари матбуоти бонк хабар медиҳад, ки интиқоли пулӣ ба корти муштарии «Алиф Бонк» сурат мегирад, ки онро аз тамоми банкоматҳои бонки мазкур метавон гирифт.
Ҳамчунин ба корбарон фаҳмонида мешавад, ки чигуна маблағро аз Русия ба Тоҷикистон интиқол диҳанд.
Барои истифодаи хизматрасонии нав, бояд аз барномаи мобилии бонки русӣ истифода бурд ва дар қисми «Платежи — Переводы в СНГ — В Таджикистан» ва сипас «Алиф Бонк»-ро интихоб кард».
Каме низоми дигар барои истифодабарандагони корти «Дӯстона» пешниҳод карда мешавад: хизматрасониро метавон дар қисми «Переводы домой — В Таджикистан» пайдо кард.
Дар сомонаи «Алиф Бонк» бошад метавон маълумот дар бораи шӯъбаву банкоматҳои банк пайдо намуд.
Манбаъ: sputnik-tj.com
Нет комментариев