Дар шаҳри Алабинои Федератсияи Русия мусобиқаи байналмилалии «Пойгаи танкӣ» дар доираи «Бозиҳои байналмилалии низомӣ — 2015» идома дорад. Пешсафи рӯзи аввали мусобиқаи мазкур дастаи Русия гардид, ки ҳамаи санҷишҳоро бо муваффақият паси сар кард. Дар ин бора ба хабарнигорон довари асосӣ генерал-майор Евгений Поплавский иттилоъ дод. Мақоми дуюмро танкчиёни серб ва мақоми сеюмро танкчиёни тоҷик соҳиб гаштанд.
Дар рӯзи аввали мусобиқот се давра баргузор гардид, ки дар он дастаҳои Русия, Сербия, Тоҷикистон, Никарагуа, Венесуэла, Муғулистон ва Ангола ширкат доштанд.
Имрӯз низ се давра баргузор мегардад: дар даври аввал Арманистон, Ҳиндустон ва Чин, дар даври дуюм — Қазоқистон, Қирғизистон ва Қувайт, ва дар даври сеюм — Венесуэла, Никарагуа ва Сербия миёни ҳам рақобат мекунанд.
Бояд гуфт, ки дар мусобиқоти мазкур 39 даста аз 13 кишвари ҷаҳон иштирок доранд.
Манбаъ: АМИТ «Ховар»
Нет комментариев