Дар шаҳри Ҳисор ба 50 нафар маъюби ниёзманд аробачаҳои маъюбӣ тақдим карда шуд. Дар ин бора аз Мақомоти иҷроияи ҳокимияти давлатии шаҳри Ҳисор ба мухбири АМИТ «Ховар» хабар доданд.
Ба иттилои манбаъ, аробачаҳои маъюбӣ аз ҳисоби кормандони ташкилоту муассисаҳои шаҳр харидорӣ гардидаанд. Амали мазкур бо мақсади ташаккули эҳсоси дӯстдориву эҳтиром нисбат ба шахсони маъюб ва ба ғамхорию дастгириҳои пайваста фаро гирифтани ин табақаи ниёзманди аҳолӣ анҷом пазируфтааст.
Ниёзмандони шаҳри Ҳисор барои ин иқдоми хайрхоҳона ба Пешвои муаззами миллат муҳтарам Эмомалӣ Раҳмон, ки ғамхорию дастгирии маъюбонро як самти муҳими сиёсати Ҳукумати мамлакат карор додаанд, изҳори сипосу эҳтиром намуда, оромии ҷомеа ва шукуфоии Тоҷикистонро таманно доранд.
Манбаъ: АМИТ «Ховар»
Нет комментариев