http://jahonnamo.tj/

Беш аз нисфи телефонҳои мобилии ҷаҳон смартфон мебошанд.

Тибқи омор 66 дарсади сокинони сайёра аз смартфон истифода мебаранд. Аз рӯи гузориши намояндаи ширкати консалтингии «Гартнер» соли равон дар ҷаҳон 1,2 миллиард адад смартфон ба фурӯш рафтааст. Танҳо дар семоҳаи сеюм савдои он то 20 дарсад афзоиш ёфт. Ин дар ҳолест, ки фурӯши телефонҳои муқаррарии мобилӣ тағйир наёфтааст. Тибқи гузоришҳо соли равон бештар фурӯши маҳсулоти ширкатҳои «Эппл» ва «Самсунг» коҳиш хурдааст. Зеро мавқеи онҳоро дар бозори фурӯши телефонҳо ширкатҳои чинӣ ва дигар корхонаҳои истеҳсоли смартфонҳо танг намудаанд. Ин дар ҳолест, ки фурӯши «Айфон-6» дар оғоз аз пайомадҳои нек барои ширкати «Эппл» башорат медод. Чунин ҳолат дар ширкати «Самсунг» низ ба мушоҳида расид. Аз ҷумла, дар семоҳаи сеюми соли равон фурӯши таҷҳизоти ин ширкатҳо то 7 дарсад коҳиш ёфта, ба 37 фисад баробар гардид.

Манбаъ: matrix-tv.tj