3 сентябр дар шаҳри Москва байни вазоратҳои корҳои хориҷии Тоҷикистону Россия оид ба масъалаҳои ҳамкорӣ дар чорчӯби Созмони ҳамкории Шанхай (СҲШ) ройзаниҳо доир гардиданд, хабар медиҳад АМИТ «Ховар» бо истинод ба Вазорати корҳои хориҷии Тоҷикистон.
Ҷонибҳо масъалаҳои марбут ба вазъ ва дурнамои рушди фаъолияти баъдии абзорҳои ҳамкорӣ дар СҲШ-ро дар шароити ҳолати кунунии эпидемиологӣ баррасӣ намуданд. Инчунин ҳамоҳангсозӣ дар мавриди иддае аз пешниҳодҳои кишварҳои узви Созмон сурат гирифт.
Ройзаниҳои мазкур мутобиқи Барномаи ҳамкорӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷии Федератсияи Россия барои соли 2020 баргузор гардиданд.
Манбаъ: АМИТ «Ховар»
Нет комментариев