Дар Теҳрон Сафири Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо Вазири варзиш ва ҷавонони кишвари иқомат Масъуди Султонифар мулоқот намуд.
Тавре гуфта мешавад, дар мулоқот ҷонибҳо масъалаҳои таҳкими ҳамкорӣ байни ду давлат дар соҳаи варзишро мавриди баррасӣ қарор доданд.
«Фароҳам овардани заминаи мусоиди ҳуқуқӣ барои рушди муносибатҳо дар соҳаи варзиш, мубодилаи таҷриба байни мутахассисони ҳар ду тараф, баргузории давраҳои таълимӣ-варзишӣ байни аъзои дастаҳои мунтахаби ду кишвар дар риштаҳои гуногуни варзиш, баргузор намудани намоишгоҳи муштараки молу маҳсулоти варзишӣ аз самтҳои муҳими ҳамкории дуҷонибаи соҳавӣ арзёбӣ гардиданд», — омадааст дар хабари манбаъ.
Манбаъ: АМИТ «Ховар»
Нет комментариев