Тавре аз маркази матбуотии Раиси вилоят иттилоъ медиҳанд, бо мақсади фароҳам овардани шароити мусоид ва беҳгардонии сатҳи зиндагии аҳолии эҳтиёҷманд, ҳалли масоили гуногуни иҷтимоидошта, инчунин дастгирии моддии шаҳрвандон Фонди хайрияи Шӯъбаи Агентии давлатии ҳифзи иҷтимоии аҳолии мақомоти иҷроияи ҳокимияти давлатии вилоят таъсис дода мешавад.
Дар ин бора қарори Раиси вилояти Суғд аз 17 июни соли 2015 ба тасвиб расидааст.
Фонди хайрияи ба хотири ҷалби захираҳои иловагии молиявӣ ҷиҳати ҳаллу фасл намудани масъалаҳои гуногуни иҷтимоӣ, боз ҳам мустаҳкам кардани заминаҳои моддию техникии муассисаҳои аз буҷети вилоят маблағгузоришаванда ташкил мегардад.
Гуфта мешавад, захираҳои Фонд ҳамчунин ба дастгирии модии шаҳрвандони камбизоат, яккаву танҳо, маъюб, собиқадорони ҷангу меҳнат ва ғайраҳо равона хоҳад шуд. Дар ин бора аз хадамоти матбуотии раиси вилояти Суғд иттилоъ доданд.
Нет комментариев