Дар Салтанати муттаҳида  пешниҳод шудааст, ки на танҳо дар бораи зарари қуттии тамоку ба саломатии инсон, балки дастгоҳҳои мобилӣ низ огоҳӣ расонида шавад. Ғояи равоншиносони Британиягӣ ба шуоафкании зарарноки дастгоҳҳо равона нагардида, ба вобастагии равонии истифодабарандагон аз дастгоҳҳои мобилии худ, нигаронида шудааст.

Барои беасос набудани ин ғоя, олимон озмоиш гузарониданд, дар ҷараёни он нишон додаанд, ки озмоишшудагон дар дасти худ смартфонро на камтар аз 3,5 соат дар як рўз тоб медиҳанд. Илова бар ин, посухдиҳандагон иқрор шуда мегӯянд, ки дастгоҳ дар асл диққати онҳоро аз кор, мактаб, кори дўстдошта ва ҳатто аз оила ва дӯстонашон дур месозад. Онҳо иброз намудаанд, ки бо наздиконашон хеле кам муошират мекардагӣ шудаанд. Дар ин ҳолат, дар одамони озмоишшуда нишонаҳои «худпарастӣ» ва «хашмгинӣ», ки бештар ба  беморони нашъаманд хос аст, дарёфт гардиданд.

Равоншиносон албатта, намегӯянд, ки “смартфоновобастагӣ” метавонад ба қатори тамокукашӣ, истеъмоли машрубот ворид гардад. Аммо огоҳиро бояд дар он «часпонид», ақалан дар шакли электронӣ, масалан ҳангоми зеркашии барнома хатари ба саломатӣ таҳдидкунандаро ба истифодабаранда хабар дод.

Cарчашма: matrix-tv.tj