Сардори Хадамоти зиддиинҳисории назди Ҳукумати Ҷумҳурии Тоҷикистон Абдулмаҷид Муминзод бо Роҳбари намояндагии Бонки Аврупоии Таҷдид ва Рушд /БАТР/ дар Ҷумҳурии Тоҷикистон хонум Рика Иши мулоқот намуд, хабар медиҳад АМИТ «Ховар» бо истинод ба Хадамоти зиддиинҳисорӣ.
Дар мулоқот ҷонибҳо вобаста ба ҳолати кунунӣ ва дурнамои рушди соҳаи танзими энергетикаи барқӣ дар Тоҷикистон ва рушди рақобат, инчунин омӯзиши таҷрибаи давлатҳои муваффақ дар самтҳои мазкур мубодилаи афкор намуданд.
Ҷонибҳо ҳавасмандии худро барои густаришу таҳкими масъалаҳои таъмини рақобат ва рушди он, инчунин тақвият бахшидани танзими энергетика иброз дошта, идомаи ҳамкориро дар доираи созмонҳои минтақавӣ ва байналмилалӣ муҳим арзёбӣ намуданд.
Манбаъ: АМИТ «Ховар»
Нет комментариев