Бо гузашти бештар аз як моҳи даъвату сафарбарнамоии ҷавонон ба сафи Қувваҳои Мусаллаҳи Ҷумҳурии Тоҷикистон нақшаи пешбинишуда дар вилояти Суғд беш аз 93 фоиз иҷро гардид.
Тавре аз Комиссариати ҳарбии вилоят иттилоъ доданд, то ба санаи 6 ноябр 12 шаҳру ноҳияи вилоят нақшаи муайяншударо пурра иҷро намуданд. Айни ҳол дар шаҳрҳои Хуҷанд, Панҷакент, Истаравшан, Конибодом, Исфара ва ноҳияи Бобоҷон Ғафуров даъвати ҷавонон идома дошта, интизор меравад, ки рӯзҳои наздик нақша иҷро гардад.
Ёдовар бояд шуд, ки даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон тибқи Фармони Президенти Ҷумҳурии Тоҷикистон ва қарори марбутаи Раиси вилояти Суғд ҷараён дорад.
Манбаъ: Хадамоти матбуоти Раиси вилояти Суғд
Нет комментариев