Бо дастгирии Ҳукумати Ҷумҳурии Тоҷикистон дар шаҳри Хуҷанд лоиҳаҳои ҷадиди меъморию сохтмонӣ амалӣ мегардад. Яке аз ин лоиҳаҳо сохтмони маҷмаи биноҳои истиқоматӣ ва иншоотҳои иҷтимоӣ дар хиёбони ба номи Р Набиев аст.
Раиси шаҳри Хуҷанд Раҷаббой Аҳмадзода бо Директори генералии ширкати давлатии сохтмонии «Пекин» -Ҷао Шин Ҷо, ва гурӯҳи меъморону сохтмончиёнро аз Ҷумҳурии Мардумии Чин ба ҳузур пазируфт.
Ҳайати меҳмонон нақшаи мукаммал ва лоиҳаи ангории сохтмониро дар хиёбони ба номи Р. Набиев ба Раиси шаҳр муаррифӣ намуданд. Дар асоси он сохтмони 15 бинои баландошёна барои 1200 оила, бунёди мактаби чаҳорошёна ва дигар иншоотҳои иҷтимоӣ пешбинӣ гаштааст. 
Раиси шаҳри Хуҷанд доири риояи ҳатмии ҳуқуқи сокинони дар ин маҳал истиқомат дошта ва талаботи қонунҳои мавҷудаи сохтмонӣ, истифодаи унсурҳои миллӣ дар тарҳи иншоотҳо истифодаи ҳар чи бештари кормандон ва мутахассисони маҳаллӣ таъкид намуд.
Дар асоси созишнома ва нақшаи муштараки мақомоти маҳаллӣ оғози корҳои сохтмонӣ соли ҷорӣ пешбинӣ гашта, сокинони маҳал бошад тариқи шартномаи тарафайн бо ширкатисохтмонӣ бо манзил таъмин карда мешаванд.
Дар ин бора www.khujand.tj хабар медиҳад.
Нет комментариев