Ҳамлагари бошгоҳи “Ювентус” Криштиану Роналду барои рафтори ноҷояш, ки пас аз анҷоми рақобати ҷавобии даври 1/8 ниҳоии Лигаи қаҳрамонҳои Аврупо бар муқобили тими “Атлетико Мадрид”-и Испания анҷом дод, аз ҷониби УЕФА зери таҳрим (санксия) қарор гирифт. Чӣ тавре ки аз дафтари матбуоти созмони мазкур иттилоъ доданд, нисбати ин футболбози португалӣ парвандаи маъмурӣ боз карда шуд. Натиҷаи тафтишот рӯзи 21-уми март эълон карда мешавад. Ёдовар мешавем, ки Роналду рафтори сармураббии бошгоҳи “Атлетико” — Диего Симеонеро такрор намуд. Симеоне низ дар вохӯрии якум пас аз голи аввали дастпарваронаш чунин амалро иҷро карда буд. Кумитаи маъмурии УЕФА ин коршиноси аргентиниро барои рафтори ноҷояш ба маблағи 20 ҳазор евро ҷарима карда буд.
Манбаъ: ТВ Варзиш
Нет комментариев