Ҳамлагари «Сток Сити» Питер Крауч аз ҷиҳати миқдори аз ҳайати бозингарони захиравӣ ба майдон баромадан дар Премиер Лигаи Англия ба ҷои аввал баромад. Ҳамлагари 36- сола дар бозӣ бар муқобили “Брайтон” (2:2) ба ҷои Шердан Шакири дар дақиқаи 73-юми дидор аз курсии эҳтиётӣ ба майдон баромад. Ин тағйирот дар корномаи варзишии Крауч 143-юм мебошад, ки ӯ аз рӯи ин натиҷа собиқ бозингари “Нюкасл” Шол Амеоби, ки 142 бор аз ҳайати бозингарони захиравӣ ба майдон баромадаст, пеш гузашт. Дар ҷараёни ин тағйиротҳо Крауч дар тӯли фаъолияташ дар премйер-лига 15 маротиба дарвозаи ҳарифонро рахна намудааст. Аз ӯ бештар ҳангоми аз ҳайати захира ба майдон баромадан дар ПЛА Ҷермейн Дефо (23), Уле Гуннар Сулшер (17) ва Нванкво Кану (17) ба самар расондаанд.
Манбаъ: сомонаи расмии телевизиони «Варзиш»
Нет комментариев