Сармураббии дастаи “Челси”-и шаҳри Лондон – Томас Тухел аз вазифааш барканор карда шуд. Дар ин бора сомонаи расмии бошгоҳи лондонӣ хабар додааст.
Дирӯз «Челси» дар даври 1-уми марҳилаи гурӯҳии Лигаи Чемпионҳо аз тими “Динамо”-и Загреб мағлуб шуд. Ин 100-умин бозии ӯ буд, ки зери роҳбараш бошгоҳ анҷом дода буд.
Ҳоло «Ашрофзодаҳо» дар зинаи 6-уми ҷадвали ПЛА қарор доранд. Бошгоҳ дар 6 даври мусобиқа 3 ғалаба, як мусовӣ ва 2 бохт дорад.
Тухели олмонӣ моҳи январи соли 2021 ба дастаи «Челси» омада буд. Ӯ бо бошгоҳ ғолиби Лигаи чемпионҳо, Суперҷоми Аврупо ва Ҷоми ҷаҳонии бошгоҳҳо гардида буд.
Дастаи «Челси» бозии навбатии худро 10-уми сентябр бо “Фулхэм” дар сафар баргузор мекунад. Пас аз он дар доираи бозиҳои даври 2-юми гурӯҳии ЛЧ бо тими “Залтсбург” бошгоҳи шаҳри Лондон рӯзи 15-уми сентябр майдондорӣ мекунад.
Манбаъ: Варзиш-ТВ
Нет комментариев