Дар рӯзи таҷлили Иди Меҳргон дар боғҳои фарҳангиву фароғатии деҳот, шаҳрак, ноҳия, шаҳр ва вилоятҳо намоиши маҳсулоту техникаи кишоварзӣ ва дигар барномаҳои фарҳангӣ ташкил карда мешавад
Рӯзи 13 октябр дар саросари Тоҷикистон Иди Меҳргон таҷлил мегардад, иттилоъ додааст АМИТ “Ховар”.
Иди мазкур бо ташаббуси Вазорати кишоварзии Тоҷикистон ва Мақомоти иҷроияи ҳокимияти давлатии шаҳри Душанбе дар Боғи Ирам гузаронида мешавад.
Дар ин рӯз дар ин макон аз тамоми гӯшаю канори мамлакат дастовардҳои кишоварзон ба маъраз гузошта мешаванд. Инчунин баргузории барномаҳои фарҳангию фароғатӣ дар назар дошта шудааст.
Ёдовар мешавем, ки меҳргон яке аз куҳантарин ҷашнҳои мардуми ориёинажод буда, гузаштагонамон онро ҳамчун ситоишу ниёиши Меҳр ё митро ва рамзи аҳду паймон ва дӯстиву муҳаббати ойини меҳрпарастӣ таъбир кардаанд. Меҳргон иди ҷамъоварии ҳосили рӯёндаи деҳқон, иди фаровонӣ, шодию нишот, дӯстию рафоқат, ваҳдату ягонагӣ ва меҳру садоқот аст.
Манбаъ: Sputnik-tj
Нет комментариев