Дар ноҳияи Бобоҷон Ғафуров ба Фестивали ҷумҳуриявии «Ҷилваи ҳусн» омодагӣ мебинанд. Дар мақомоти иҷроияи маҳаллӣ барои тарроҳон ва ороишгарони либосҳо семинари омӯзишӣ баргузор гардид.
Дар семинар-машварати мазкур мақсад, шартҳои асосӣ ва тартиби баргузории Фестивали «Ҷилваи ҳусн» аз ҷониби мудири шуъбаи кор бо занон ва оилаи ноҳия Бобоева Дилбар фаҳмонида шуда, дастур дода шуд, ки тарроҳон дар пешниҳоди либос ба мақому манзалати сару либоси миллӣ, сифати матоъ, густариши санъати чакандӯзию алочабофӣ, адрасбофӣ аҳамияти хоса диҳанд.
Тибқи ҷадвали тасдиқшуда даври якуми баргузории Фестивали «Ҷилваи ҳусн» дар ноҳия моҳи март баргузор мешавад.
Дар ин бора аз Хадамоти матбуоти Раиси вилояти Суғд хабар доданд.
Нет комментариев